OAV: Madridning “Real” jamoasi “Milan” bosh direktori Gallianiga ish taklif qildi

Madridning “Real” futbol jamoasi prezidenti Florentino Peres Italiyaning “Milan” jamoasi bosh direktori Adriano Gallianiga ish taklif qildi. Bu haqda, Gazzetta dello Sport nashriga asoslanib, “TASS” xabar bermoqda .

Galliani. Foto: EPA

Ilgariroq “Milan” Xitoy konsorsiumiga sotilganidan so‘ng Galliani bosh direktorlik lavozimini tark etishi mumkinligi aytilgan edi. Uning o‘rnini “Inter”ning sobiq menejeri Marko Fassone egallashi kutilayotgan edi. Ammo Galliani “Milan”da o‘z lavozimini saqlab qolishi haqida bayonot berdi.
Nashrdagi ma’lumotlarga qaraganda, Peres va Galliani ko‘p yildan buyon yaxshi munosabatlarda bo‘lib kelmoqda. Gallianiga “Real” strukturasida qanday lavozim taklif etilgani hozircha ma’lum emas.
Batafsil | Подробно | Read more... Daryo