“Volfsburg”ni boshqarishi kutilgan Villash-Boash “Shanxay SIPG” klubiga bosh murabbiy etib tayinlandi

Portugaliyalik futbol mutaxassisisi Andre Villash-Boash Xitoyning “Shanxay SIPG” klubiga bosh murabbiy etib tayinlandi, deb xabar bermoqda “Chempionat”.

Foto: Instagram / @officialavb

Avvalroq 39 yoshli murabbiy Germaniyaning “Volfsburg” jamoasini boshqarishi mumkinligi haqida xabarlar paydo bo‘lgandi .
Andre Villash-Boash “Shanxay SIPG”dagi 3 yillik faoliyatidan so‘ng iste’foga chiqarilgan shvetsiyalik mutaxassis Sven-Yoran Eriksson o‘rnini egalladi.
“Chempionat”ning The Guardian va Sky Sports jurnalistiga tayanib xabar berishicha , “Zenit”, “Tottenhem”, “Chelsi” va “Portu” kabi klublarning sobiq ustozi Villash-Boash yangi jamoada yiliga 12 million yevro maosh oladi.
Ma’lumot uchun, joriy mavsum yakunida “Shanxay SIPG” Xitoy chempionatida 3-o‘rinni egalladi. Mamlakat chempioligi esa qatorasiga oltinchi marta “Guanchjou Evergrand”ga nasib qildi .
Batafsil | Подробно | Read more... Daryo