Turkiya harbiy-havo kuchlari oxirgi sutka davomida Suriya shimolida IShIDning 90 obyektini yo‘q qildi

Turkiya samolyotlari “Frot qalqoni” operatsiyasi doirasida oxirgi sutka mobaynida IShID guruhining shimoliy Suriyadagi 90 ga yaqin obyektini yo‘q qildi, shuningdek, sakkiz jangarini yo‘q qildi, uch nafarini zararsizlantirdi. Bu haqda, Anadolu agentligiga asoslanib, “TASS” xabar bermoqda .

Foto: “Haberler.com”

Aytilishicha, “Suriya ozod armiyasi” jangchilari Axtarin viloyati janubidagi aholi yashash punktlaridan birini IShIDdan qaytarib olishga muvaffaq bo‘lgan. Operatsiya chog‘ida to‘rt jangchi halok bo‘ldi, o‘n nafari yaralandi. Turkiya qo‘shinlarida halok bo‘lganlar yo‘q.
Operatsiya boshlanganidan buyon “Suriya ozod armiyasi” kuchlari 170 aholi yashash punkti, jami 1,35 ming kvadrat kilometr hududda o‘z nazoratini o‘rnatdi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Batafsil | Подробно | Read more... Daryo