“Bavariya” futbolchilari chiqindilardan ishlab chiqarilgan futbolkalarda o‘ynaydi

Myunxenning “Bavariya” futbol klubi “Xoffenxaym”ga qarshi Germaniya chempionati 10-turida qayta ishlangan chiqindilardan ishlab chiqarilgan futbolkalarda maydonga tushadi. Bu haqda “iSport.ua” xabar bermoqda .

Foto: “Bavariya” FK matbuot xizmati

Futbolkalarni tikishda ishlatilgan ip va mato tolalari Maldiv orollari sohillaridan yig‘ib olingan okean chiqindilaridan, asosan, plastikdan tayyorlangan.

Foto: “Bavariya” FK matbuot xizmati

Forma klubning an’anaviy — qizil rangida ishlangan. Futbolka yoqasida esa “Okean uchun” yozuvi bitilgan.
“Chempionat”ning ma’lum qilishicha , “Bavariya”ning asosiy hamkori Telekom formaning dizaynini ma’qulladi va o‘z logotipining odatiy – to‘q ko‘rinishidan voz kechdi. Germaniya futbol ligasi va uning hamkori Hermes ham ushbu aksiyani qo‘llab-quvvatladi.
Batafsil | Подробно | Read more... Daryo