Pokiston National Geographic muqovasidagi ayolni Afg‘onistonga deportatsiya qilmasligi ma’lum bo‘ldi

Pokistonning Xaybar-Paxtunxva viloyati rasmiylari 1985-yilda National Geographic jurnali muqovasida surati chiqqach mashhur bo‘lib ketgan Sharbat Gulani Afg‘onistonga deportatsiya qilmaslikka qaror qildi. U 29-oktabrda Pokistondagi uyida noqonuniy yashab kelgani va soxta hujjatlardan foydalanishda ayblanib  hibsga olingandi , deb  xabar beradi “TASS”.

Foto: EPA

Mahalliy Dawn nashriga ko‘ra, bu haqda Gula qo‘lga olingan Pokistondagi viloyat hukumati vaziri Shavkat Yusufzay ma’lum qildi. Uning aytishicha, bunday qaror “gumanitar nuqtai nazardan” kelib chiqib qabul qilindi va Afg‘oniston xalqiga nisbatan do‘stona munosabat ishorasi bo‘ldi.
Xaybar-Paxtunxva viloyati hukumati Sharbat Gula uchun rasman qochqin maqomi berilishiga erishish niyatida.
Batafsil | Подробно | Read more... Daryo