Seul Kim Chen Inning singlisiga nisbatan sanksiyalar kiritishga tayyorlanmoqda

Koreya Respublikasi KXDR yetakchisining singlisi Kim Yo Chjonga nisbatan shaxsiy sanksiyalar kiritish imkoniyatini ko‘rib chiqmoqda, deb yozadi “TASS”. Bu haqda Seulda 7-noyabr, dushanba kungi brifingda Janubiy Koreya Birlashuv vazirligi rasmiy vakili Chon Chjun Xi ma’lum qildi.

Kim Yo Chjon, Kim Chen Indan chapda. Foto: EPA

U ayni paytda aniq tafsilotlar haqida gapirishga hali erta ekanligini ta’kidladi.
Sentabr oyida Pxenyan shu yildagi ikkinchi yadro sinovini o‘tkazgach, BMT Xavfsizlik kengashi KXDRga qarshi sanksiyalarni kuchaytiruvchi yangi rezolyutsiyani ishlab chiqishga kirishdi. Janubiy Koreya ham Shimolga nisbatan bir tomonlama tartibda qo‘shimcha cheklov choralarini qo‘llash niyatini ma’lum qildi.
Kim Chen Inning singlisi 1987-yilda tug‘ilgan. KXDR OAVlariga ko‘ra, u Koreya Mehnat partiyasi Markaziy qo‘mitasi bo‘lim boshlig‘i o‘rinbosari bo‘lib ishlaydi. U akasi bilan yaqin aloqada bo‘lib, partiya iyerarxiyasida katta o‘ringa ega.
Batafsil | Подробно | Read more... Daryo