Shirin shahrida 280 o‘rinli bog‘cha foydalanishga topshirildi

Sirdaryo viloyatining Shirin shahrida 280 o‘rinli maktabgacha ta’lim muassasasi mukammal ta’mirlanib, foydalanishga topshirildi. Bu haqda O‘zA xabar berdi .

Foto: O‘zA

“Sog‘lom ona va bola yili” Davlat dasturi ijrosi doirasida zamonaviy qiyofa kasb etgan binoning ochilishi munosabati bilan tashkil etilgan tadbirda onalik va bolalikni muhofaza qilish, maktabgacha ta’lim muassasalari moddiy-texnik bazasini mustahkamlash borasida amalga oshirilayotgan ishlar yuksak samaralar berayotgani ta’kidlandi.
Muassasadagi turli ertak qahramonlari tasvirlari aks etgan maxsus ayvonlar, mini-futbol, voleybol, basketbol maydonchalarida barcha qulaylik yaratilgan. Musiqa, rus va ingliz tillari to‘garaklari, sport mashg‘ulotlari o‘tkaziladigan xonalar zarur qo‘llanmalar, ko‘rgazmali qurollar, zamonaviy sport buyumlari bilan jihozlangan.
“Mirakonta’mirservis“ qurilish korxonasi quruvchilari tomonidan qurilish-ta’mirlash ishlari amalga oshirilgan muassasa turli qattiq va yumshoq jihozlar, o‘yinchoqlar va 12 turdagi o‘quv jihozlari bilan ta’minlandi.
Batafsil | Подробно | Read more... Daryo