Hillari Klinton saylovga bir kun qolganida Donald Trampdan 4 foizga o‘zib ketdi

AQSh prezidentligiga Demokratlar partiyasidan nomzod Hillari Klinton saylovga bir kun qolganida raqibi, Respublikachilar partiyasi nomzodi Donald Trampni 4 foizga ortda qoldirmoqda. Bunday natijalar Fox News telekanali tomonidan jamoat fikri borasida o‘tkazilgan so‘rovnomadan so‘ng kelib chiqdi, deb xabar bermoqda “Interfaks”.

Foto: USA Today

So‘rovnomada ishtirok etgan respondentlarning 48 foizi Klintonni, 44 foizi Trampni qo‘llab-quvvatladi. Libertarian partiyasidan nomzod Geri Jonson 3 foiz, Yashil partiya nomzodi Jill Stayn 2 foiz ovoz to‘pladi.
Fox News ma’lumotlariga ko‘ra, Hillari Klintonni asosan ayollar, afroamerikaliklar va ispan tilida so‘zlovchilar hamda 30 yoshdan kichik bo‘lganlar qo‘llab-quvvatlmoqda.
Donald Tramp ko‘proq erkaklar va oq tanlilar, xristianlar hamda oliy ma’lumotga ega bo‘lmagan amerikaliklar orasida ishonchga ega bo‘lmoqda.


AQSh prezidenti saylovi—2016


Mazkur so‘rovnoma 3–6-noyabr kunlari statsionar telefon va smartfonlar orqali o‘tkazilib, unda 1410 nafar tasodifiy tanlangan odamlar ishtirok etdi.
Batafsil | Подробно | Read more... Daryo