Xitoyda 0,5 mlrd dollar evaziga qurilgan yetti yulduzli mehmonxona ochildi

Shanxayda shahardagi ilk yetti yulduzli mehmonxona ochildi. Wanda Reign on the Bund qurilishiga 3 yil vaqt va 515 million dollar ketdi. Bu haqda Daily Mail xabar bermoqda . 

Foto: Daily Mail

Mehmonxonada 193 ta xona mavjud bo‘lib, eng kattasining maydoni 288 kvadrat metrni tashkil etadi. Ularda bir kecha tunash narxi 438 dollardan 1,4 ming dollargacha boradi.
Otelga kiraverishda marmar ustunlar barpo etilgan, pol esa nefrit bilan bezatilgan. Devorlarga Xitoyning zamonaviy musavvirlari rasmlari ilingan. Mehmonxonada fransuz bosh oshpazi ish olib boradigan restoran, shuningdek, xitoy va yapon qahvaxonasi faoliyat ko‘rsatadi. 
Qayd etish joizki, mehmonxonalarning eng yuqori toifasi besh yulduzli hisoblanadi. Dunyoda egalari olti va yetti yulduzli deya baholagan sanoqli “lyuks” otellar mavjud, biroq ular rasman tasniflashga kirmaydi. 
Batafsil | Подробно | Read more... Daryo