Gollandiyalik kompozitor “Lego”dan tabiiy kattalikdagi pianinoni yasadi

Gollandiyalik kompozitor va pianinochi Yerun van Veyn “Lego” konstruktoridan tabiiy kattalikdagi pianinoni yasadi, deb yozadi “TASS”. Musiqiy asbob haqiqiysiga juda o‘xshash bo‘lishi bilan birga, chalish uchun ham moslashtirilgan.

Foto: “Naviny.by”

O‘zini “Lego” muxlisi deb atovchi 47 yoshli konstruktor noodatiy musiqiy asbobni yasashga 2,5 yil sarfladi. “Bu xobbi sifatida boshlandi, ammo keyin nazorat ostidan chiqib ketdi”, — deya tan oldi van Veyn.
Musiqiy asbob unga butun dunyodan yuborilgan ishlatilgan elementlardan yasalgan. Ayniqsa, kompozitor o‘zi ishlab chiqqan, yumaloq uchlarni hosil qilish texnikasi bilan faxrlanadi.
Pianinoning torlari sariq elementlardan qilingan bo‘lib, tovush chiqarmaydi. Ammo konstruktorga raqamli klaviatura o‘rnatilgan bo‘lib, u musiqiy asarlarni ijro etish imkonini beradi. “Lego”dan yasalgan pianinodagi birinchi konsertini van Veyn 11-noyabr kuni Almer shahrida berdi.
Batafsil | Подробно | Read more... Daryo