Donald Trampning o‘tish ma’muriyatiga farzandlari ham kiritilаdi

Mayk Pens AQShning saylangan prezidenti Donald Tramp o‘tish ma’muriyati rahbari etib tayinlandi. Bu haqda The New York Times manbalariga tayanib, “RBK” xabar bermoqda .

Foto: AP

Saylangan vitse-prezident mazkur lavozimda Nyu-Jersi gubernatori Kris Kristini almashtirdi. Tramp “Pensning tajribasi va Vashingtondagi aloqalari” tezroq jamoasini tuzish uchun kerakligi sabab shunday qarorga kelgani bildirilmoqda.
Kristi Nyu-York sobiq meri Rudolf Juliani, iste’fodagi general-leytenant Maykl Flinn bilan birga o‘tish ma’muriyat rahbari o‘rinbosarligini egallaydi. Ulardan tashqari, ma’muriyatga Respublikachilar partiyasi Milliy qo‘mitasi raisi Reyns Pribas, PayPal ta’sischilaridan biri Piter Til, saylovoldi shtabi sobiq direktori Stiven Bennon kiradi. Kellian Konuey katta maslahatchi bo‘ladi, Xoup Xiks esa matbuot kotibligini saqlab qoladi.
Politico nashri o‘tish ma’muriyatiga Trampning farzandlari — Ivanka, Erik va kichik Donald Tramp ham kirishini ta’kidlamoqda.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo