FIFA moliyaviy zarar keltirayotgani uchun o‘z muzeyini yopib qo‘ymoqchi

Xalqaro futbol federatsiyasi (FIFA) Shveysariyaning Syurix shahridagi muzeyini moliyaviy zarar keltirayotgani uchun yopib qo‘ymoqchi. Bu haqda, AFP’ga tayanib, “TASS” xabar bermoqda .

Foto: EPA

FIFA muzeyi 2016-yilning fevral oyida ochilgan edi. Uning yaratilishiga 140 million Shveysariya franki sarflangan.
Muzey ochilishidan oldin uning tashfirchilari oyiga o‘rtacha 130–150 ming kishini tashkil etishi ko‘zda tutilgan edi, ammo muzeyning o‘rtacha tashrifchilari soni 11 ming kishiga teng. FIFA muzeyi tashkilotga 30 million Shveysariya franki miqdorida zarar keltirdi.
“FIFA muzeyning hayotiyligini o‘lchab beruvchi iqtisodiy modelni ishlab chiqaradigan ishchi guruhni tashkil etadi. Ishchi guruhning taklifi FIFAning yanvar oyidagi kengashida taqdim etiladi”, – deyiladi xabarda.
FIFA muzeyining ochilishi Janni Infantino uchun tashkilot prezidenti sifatida birinchi tadbir bo‘ldi. Futbol tarixiga bag‘ishlangan ekspozitsiya qariyb 3 ming kvadrat metr maydonni egallaydi va 1 000 dan ortiq eksponatni o‘z ichiga oladi. Bundan tashqari, muzey ichida kutubxona, sportbar, kafe, kinoteatr va pinbol o‘yini uchun katta maydon mavjud.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo