OAV: NATO sammiti Trampning g‘alabasi tufayli qoldiriladi

NATO rahbariyati AQShdagi saylovlarda Donald Tramp g‘olib chiqqani munosabati bilan, sammitni keyinga qoldirishga qaror qildi, deb yozadi “RBK”. Bryusseldagilar yangi prezident alyansga nisbatan siyosatni o‘zgartirishidan xavfsiramoqda.

Foto: AP

Germaniyaning Spiegel nashri NATO bosh kotibi Yens Stoltenbergga yaqin manbalariga tayanib xabar berishicha, bahorga rejalashtirilgan sammit yozga ko‘chiriladi. Bu vaqtgacha alyans rahbariyati AQShning yangi prezidenti Donald Trampning harbiy tashkilotga munosabati qanday bo‘lishini tushunib olmoqchi.
NATO AQShning alyans faoliyatidagi rolini ancha kamaytiradigan ssenariyni ko‘rib chiqmoqda. Xususan, bunda gap AQShning Sharqiy Yevropa mamlakatlariga qo‘shimcha bo‘linmalarni yuborishdan bosh tortishi, shuningdek, Yevropa hududidagi Amerika harbiy kontingentining umumiy qisqartirilishi haqida borishi mumkin.
Nashr eslatishicha, shu yilning iyulida Donald Tramp NATOga a’zo mamlakatlar uchun xavfsizlik kafolatini avtomatik tarzda uzaytirishga rozilik berishini gumon ostiga olgan edi. Aprelda esa NATOning tarqalib ketishi ehtimolini normal holat deb atagan edi.
Batafsil | Подробно | Read more... Daryo