O‘zbekistonlik bokschi Xurshidbek Normatov professional ringdagi uchinchi jangini ham g‘alaba bilan yakunladi

AQShning Pensilvaniya shtati Filadelfiya shahrida 11-noyabr kuni professional boks kechasi doirasida 10 ta jang o‘tkazildi. Shulardan birida o‘zbekistonlik Xurshidbek Normatov ishtirok etdi, deb xabar bermoqda “Gazeta.uz”.

Xurshidbek Normatov. Foto: “Gazeta.uz”

Andijonlik 24 yoshli bokschi 6 raundlik bellashuvda 35 yoshli AQSh vakili Lenvud Doyzerga qarshi ringga ko‘tarildi. Normatov jang davomida nazoratni to‘liq o‘z qo‘liga olib, raqibidan ancha faol harakat qildi va hakamlarning yakdil qarori bilan 60:54, 60:54, 60:54 hisobida g‘alaba qozondi.
Professional ringda uchinchi jangini o‘tkazgan Normatov barchasida (1 tasida nokaut bilan) zafar quchgan.
Qayd etish joiz, Xurshidbek Normatov Fight Promotion promouterlik kompaniyasi bilan 15 jangdan iborat shartnoma imzolagan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo