Shavkat Mirziyoyev Sooronbay Jeenbekovni Qirg‘iziston bosh vaziri etib tayinlangani bilan tabrikladi

O‘zbekiston Respublikasi Prezidenti vazifasini bajaruvchi Shavkat Mirziyoyev Sooronbay Jeenbekovni Qirg‘iziston bosh vaziri etib tayinlangani bilan tabrikladi. Bu haqda Qirg‘iziston hukumati apparati ma’lum qildi, deya bildirmoqda “Kabar”.

Foto: Qirg‘iziston hukumati matbuot xizmati

“Qirg‘iziston Respublikasi bosh vaziri lavozimiga tayinlanganingiz bilan samimiy tabriklarimni qabul qiling. Sizning ushbu yuksak lavozimdagi faoliyatingiz bundan keyin ham o‘zbek—qirg‘iz munosabatlarini yanada rivojlantirish va mustahkamlashga xizmat qilishiga ishonchim komil. Ikki tomonlama aloqalarda ijobiy siljishlar kuzatilayotganini alohida ta’kidlab o‘tmoqchiman. Bunga Qirg‘iziston delegatsiyasining Andijonga va O‘zbekiston delegatsiyasini O‘shga amalga oshirgan tashriflari yaqqol misol bo‘la oladi. Ayni paytda, o‘zbek—qirg‘iz davlat chegarasi bo‘yicha olib borilayotgan ishchanlik ruhidagi muzokaralar jarayoni ko‘tarinki kayfiyat bag‘ishlamoqda”, — deyiladi tabrikda.
Shavkat Mirziyoyev Sooronbay Jeenbekovga mustahkam sog‘liq, faoliyatida omad, Qirg‘izistonning birodar xalqiga esa tinchlik-omonlik, gullab-yashnashi va taraqqiy etishini tiladi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo