Putin 2 mln pora bilan hibsga olingan vazirni operativ kuzatish boshlanganidan barcha ma’lumotlarga ega bo‘lgan

Rossiya prezidenti Vladimir Putin 2 million dollar pora bilan hibsga olingan mamlakat iqtisodiy rivojlanish vaziri Aleksey Ulyukayevni operativ kuzatish jarayoni haqida barcha ma’lumotlarga ega bo‘lgan. Bu haqda davlat rahbarining matbuot kotibi Dmitriy Peskov ma’lum qildi, deya xabar beradi “TASS”.

Putin va Ulyukayev. Foto: “TASS”

“Prezidentga Ulyukayev qo‘lga olingani haqida albatta axborot berildi. Aslini olganda, unga operativ kuzatuv boshlanganidan beri bu haqda ma’lum edi, axborot yetkazib borilgan”, — deya ta’kidladi Peskov.
Oldinroq Aleksey Ulyukayev bir yildan oshiq Rossiya Federal xavfsizlik xizmatining operativ kuzatuvi ostida bo‘lgani ma’lum qilingandi .
Kreml vakili vazirga nisbatan juda jiddiy ayblov haqida gap ketayotgani va ularning nechog‘li asosli ekanligi haqida faqat sud hukm chiqarishini aytib o‘tdi.
Rossiya hukumati matbuot xizmatiga ko‘ra, bosh vazir Dmitriy Medvedev Ulyukayev qo‘lga olinganidan xabardor va buni prezident bilan muhokama etgan. Medvedev mazkur ish o‘ta sinchkovlik bilan tergov qilinishi zarurligini bildirdi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo