Aleksandr Povetkin doping bilan tutilgan kanadalik bokschiga qarshi ringga ko‘tarilishini ma’lum qildi

Rossiyalik bokschi Aleksandr Povetkin doping testi ijobiy chiqqan kanadalik Bermeyn Stivernga qarshi ringga ko‘tarilishini ma’lum qildi, deb xabar bermoqda “TASS”.

Foto: “TASS”

Avvalroq Butunjahon boks kengashi (WBC) Stivernning doping namunasi ijobiy chiqqanini ma’lum qilgandi. Tashkilot kanadalik bokschining jangini bekor qilmadi, ammo uni 75 ming dollarga jarimaga tortdi va yoshlar o‘rtasida antidoping mavzusida 40 soatlik targ‘ibot ishlarini olib borishga jalb qildi.
“U qanday doping ta’siri ostida bo‘lishi men uchun ahamiyatsiz. 17-dekabr kuni ringga chiqib, jang qilaman”, – dedi Povetkin.
Povetkin va Stivern o‘rtasidagi jang 2016-yilning 17-dekabr kuni “Yekaterinburg-Ekspo” ko‘rgazma markazida bo‘lib o‘tadi.
Ma’lumot uchun, 37 yoshli rossiyalik bokschi professional ringda 31 ta jang o‘tkazib, 30 tasida (22 tasida nokaut bilan) g‘alaba qozongan va 1 tasida mag‘lubiyatga uchragan. Stivern 28 ta bellashuvdan 25 tasida (21 tasi nokaut bilan) zafar quchib, 2 ta mag‘lubiyat va 1 ta durang qayd etgan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo