Sankt-Peterburg gubernatorining sobiq o‘rinbosari “Zenit-Arena” qurilishida firibgarlikda gumon qilinib, hibsga olindi

Sankt-Peterburg gubernatorining sobiq o‘rinbosari Marat Oganesyan “Zenit-Arena” stadioni qurilishida firibgarlikka yo‘l qo‘yishda gumon qilinib, Moskvada qo‘lga olindi. Bu haqda Rossiya Tergov qo‘mitasi ma’lum qildi, deya xabar beradi “Gazeta.ru”.

Marat Oganesyan. Foto: “TASS”

Qo‘mitaga ko‘ra, tekshiruvlar chog‘ida 2014-yili stadion qurilishi bosh pudratchisi videotablo yetkazib berish bo‘yicha “TDM” aksiyadorlik jamiyati bilan noqonuniy shartnoma tuzishi natijasida 50 million rubldan ko‘proq mablag‘ o‘g‘irlangani aniqlangan.
Tergovchilar stadion qurilishini nazorat qilib borgan Oganesyan “TDM” subpudratchi sifatida noqonuniy jalb etilishini ta’minlaganini bildirmoqda. Keyinchalik mazkur aksiyadorlik jamiyatiga 50 million rubldan oshiq pul avans tariqasida o‘tkazib berilishini uyushtirgan. Ushbu mablag‘ esa bir kunlik firmalar orqali talon-taroj qilingan.
Mansabdor “TDM” olingan pullarni stadionga videotablo yetkazib berish uchun sarflash niyatida emasligini oldindan bilgani ma’lum qilinmoqda.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo