“Jar yoqasida” turgan Toshkentning “Obod” klubi so‘nggi uy uchrashuviga madaniyat va sport ishlari vazirini taklif qildi

1-ligaga tushib ketmaslik uchun kurash olib borayotgan Toshkentning “Obod” futbol klubi 2016-yilgi mavsumning so‘nggi uy uchrashuviga martabali mehmonlarni taklif qildi, deb yozdi “Championat.asia” sayti.

Foto: UzDaily.uz

Ular orasida madaniyat va sport ishlari vaziri Bahodir Ahmedov, uning o‘rinbosari Murod Aliyev, O‘FF va MOQ prezidenti Mirabror Usmonov kabi nomlarni uchratish mumkin.
Ma’lumot uchun, “Obod” tarixda ilk bor O‘zbekiston Oliy Ligasida ishtirok etdi va shu yilning o‘zidayoq 1-ligaga tushib ketish ostonasida turibdi. “Andijon”ga qarshi o‘yinda qo‘lga kiritiladigan g‘alaba jamoani elitada olib qolishi mumkin.
16-noyabr kuni 13:30 da start oladigan o‘yinni Ravshan Ermatov boshchiligidagi hakamlar brigadasi boshqarib boradi.
Batafsil | Подробно | Read more... Daryo