“Barselona” prezidenti Lionel Messi faoliyatini Kataloniya klubida yakunlashiga ishonch bildirdi

“Barselona” prezidenti Xosep Mariya Bartomeu turli mish-mishlarga qaramay, klub hujumchisi Lionel Messi faoliyatining yakuniga qadar Kataloniya klubida qolishiga ishonch bildirdi. Bu haqda “Chempionat” xabar bermoqda .

Foto: Marca

“Messi faoliyatini ‘Barselona’da yakunlashiga ishonamiz. U ko‘p yillardan buyon jamoa muvaffaqiyatiga hissa qo‘shib kelmoqda”, – dedi Bartomeu.
Bir necha kun avval matbuotda argentinalik futbolchi “Barselona” bilan kelishuv muddatini uzaytirmaslikka qaror qilgani haqida xabar tarqaldi . Goal’ning Messiga yaqin bo‘lgan manbasi bu haqiqat emasligini bildirdi . Keyinroq Messi Yangi yil bayramidan so‘ng kataloniyaliklar bilan shartnomasini uzaytirish borasida muzokara o‘tkazishi ma’lum qilingandi .
Bir muddat avval Lionel Messi futbolchilik faoliyatini o‘zining birinchi klubi – Argentinaning “Nyuellz Old Boyz” klubida yakunlamoqchi ekani hamda kataloniyaliklar bilan yangi shartnoma imzolansa, u yerga ketish imkonini beruvchi bandning kiritilishini istayotgani haqida xabar berilgandi .
Eslatib o‘tamiz, Lionel Messining “ko‘k-anor ranglilar” bilan amaldagi shartnomasi 2018-yilning yoziga qadar mo‘ljallangan.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo