Turkiya prezidenti Islom Karimov qabrini ziyorat qildi

17-noyabr kuni O‘zbekistonga yetib kelgan Turkiya Respublikasi Prezidenti Rajab Toyyib Erdo‘g‘on Samarqand shahrida O‘zbekiston Respublikasining Birinchi Prezidenti Islom Karimov qabrini ziyorat qildi. Bu haqda “Gazeta.uz” xabar bermoqda .

Foto: “Gazeta.uz”

Rajab Toyyib Erdo‘g‘on Islom Karimov qabriga gullar qo‘yib, O‘zbekiston Birinchi Prezidenti xotirasiga hurmat bajo keltirdi.
Rajab Toyyib Erdo‘g‘on boshchiligidagi Turkiya delegatsiyasiga O‘zbekiston Respublikasi Prezidenti vazifasini bajaruvchi Shavkat Mirziyoyev hamrohlik qildi.
Xabarda ta’kidlanishicha, O‘zbekiston musulmonlari idorasi rahbari, muftiy Usmonxon Alimov tomonidan o‘qilgan tilovatdan so‘ng Rajab Toyyib Erdo‘g‘on va Shavkat Mirziyoyev muzokara o‘tkazish uchun yo‘l oldi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo