“Match TV” Ispaniya chempionatini translyatsiya qilishi haqidagi xabarlarni rad etdi

Rossiyaning “Match TV” telekanali Ispaniya chempionati uchrashuvlarini yana namoyish eta boshlashi haqidagi xabarlarni rad etdi. Bu haqda “Sports.ru” xabar bermoqda .

Foto: “Interfaks”

Avvalroq telekanal Ispaniya La Ligasi namoyishlarini 3-dekabr kuni bo‘lib o‘tadigan “Barselona” — “Real” uchrashuvidan boshlashi haqida xabarlar paydo bo‘lgandi .
“Qator nashrlarda ‘Match TV’ Ispaniya chempionatini translyatsiya qilishi haqida tarqalgan xabarlar haqiqatga to‘g‘ri kelmaydi va teletomoshabinlarga yetkazilgan noto‘g‘ri ma’lumot hisoblanadi. ‘Match TV’ har qanday moliyaviy xarajatni yaxshilab o‘rganadi. Bu borada ayni damda muzokaralar olib borilmoqda. Uchrashuvlarni translyatsiya qilish huquqini sotib olish bo‘yicha ikki tomonlama kelishuvga erishsak, barcha OAVga xabar beramiz”, – deyiladi “Match TV” xabarida.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo