Shveysariya qiruvchilari rossiyalik jurnalistlar o‘tirgan samolyotga hamrohlik qildi

Shveysariya harbiy havo kuchlarining F-18 qiruvchilari “Rossiya” maxsus uchuvchilar otryadining Moskvadan Peruga yo‘l olgan Il-96 samolyotiga yaqin masofada hamrohlik qildi. Bu haqda bortda bo‘lgan “Interfaks” muxbiri ma’lum qildi, deb yozadi “Vedomosti”.

Foto: EADaily

Samolyot bortida Rossiya prezidenti Vladimir Putinga Limadagi Osiyo-Tinch okeani iqtisodiy hamkorligi sammitida hamrohlik qiladigan ba’zi delegatsiya a’zolari va rossiyalik jurnalistlar bo‘lgan.
Shveysariya bayrog‘i aniq-ravshan ko‘rinib turgan uchta samolyot Rossiya layneriga yaqinlashgan va biroz vaqt o‘rinlarini almashtirgan holda unga hamrohlik qilib borgan. Qiruvchilar yo‘lovchi bortiga shunchalik yaqin kelganki, harbiy havo kuchlari samolyotlarining raqamlarini ham ko‘rish mumkin bo‘lgan.
Ekipaj komandiri yo‘lovchilarga bunday holat ushbu yo‘nalishda “odatiy amaliyot” ekanligini aytdi.
Vladimir Putin Perudagi sammitga boshqa samolyotda, Sochidan uchib boradi.
Batafsil | Подробно | Read more... Daryo