La Liga. Messi, Inyesta va Suaressiz o‘ynashga majbur bo‘lgan “Barselona” o‘z maydonida “Malaga”ni yenga olmadi (video)

Futbol bo‘yicha Ispaniya La Ligasining 12-turiga kelib Kataloniyaning “Barselona” klubi 2 ochko yo‘qotdi. O‘z maydonida “Malaga”ni qabul qilgan Luis Enrike jamoasi 90 daqiqa davomida raqib darvozasiga yo‘l topa olmadi.

Foto: Getty Images

Uchrashuvni boshqarib borgan hakam mehmonlardan ikki nafar futbolchini chetlatgani ham kataloniyaliklarga yordam bera olmadi. Qayd etish kerak, mazkur bellashuvda yetakchi futbolchilardan Andres Inyesta, Luis Suares va Lionel Messi ishtirok etmadi.



Bunga qadar ketma-ket 4 ta turda zafar quchib kelayotgan “Barselona” 26 ochko bilan asosiy raqibi “Real”dan keyin ikkinchi o‘rinni egallab turibdi. “Atletiko”ga qarshi Madrid derbisida mag‘lub bo‘lgan taqdirida ham “Real” peshqadam sifatida qoladigan bo‘ldi.
Mazkur turda irodali g‘alabani qo‘lga kiritgan “Sevilya” turnir jadvalida kuchli uchlikni yakunlagan. Xorxe Sampaoli jamoasi 2 ta gol farqi bilan ortda bora turib, yakunda g‘alabani ilib keta oldi.



Ispaniya La Ligasi
12-tur bellashuvlari
18-noyabr, juma
“Betis” — “Las-Palmas” 2:0
Gollar: Bruno Gonsales, 27 (1:0). Ayssa Mandi, 45+2 (2:0).
19-noyabr, shanba
“Deportivo” — “Sevilya” 2:3
Gollar: Rayan Babel, 1 (1:0). Florin Andone, 42 (2:0). Stiven N’Zonzi, 44 (2:1). Vitolo, 87 (2:2). Gabriel Merkado, 90+2 (2:3).
“Barselona” — “Malaga” 0:0
Chetlatishlar: Diyego Lyorente, 68 (M). Xuan Karlos, 90+7 (M).
“Eybar” — “Selta”
“Atletiko” — “Real Madrid”
20-noyabr, yakshanba
“Alaves” — “Espanyol”
“Valensiya” — “Granada”
“Sporting” — “Real Sosyedad”
“Atletik” — “Vilyarreal”
21-noyabr, dushanba
“Leganes” — “Osasuna”
Batafsil | Подробно | Read more... Daryo