APL. “Manchester Siti” “Liverpul”ga yetib oldi, “Tottenhem”ni esa mag‘lub etadigan jamoa topilmayapti (video)

Futbol bo‘yicha Angliya Premyer-Ligasining 12-turidan joy olgan 8 ta bellashuvga yakun yasaldi. Mana shu sakkiz o‘yinda chempionlik uchun kurashishi tahmin qilingan 5 ta klub ochko yo‘qotdi. “Arsenal”ning “Manchester Yunayted” maydonida qanday qilib ochko olganini mana shu havola orqali bilish mumkin.

Foto: Getty Images

Turnir jadvalida peshqadam bo‘lib turgan “Liverpul” bu tur “Sautgempton” maydoniga tashrif buyurib, raqib himoyasini yorib o‘ta olmadi — 0:0. Yurgen Klopp jamoasi bunga qadar ketma-ket 3 ta turda zafar quchishning uddasidan chiqa olgandi.



Liperpulliklarning ochko yo‘qotishidan foydalangan “Manchester Siti” ochkolarini peshqadamniki bilan tenglashtirib oldi. Mavsum oldidan Gvardiolaning talablariga to‘g‘ri kelmasligi aytilgan va katta ehtimol bilan jamoadan ketishi kerak bo‘lgan Yaya Ture dubl qayd etib, “Siti”ning g‘alabasini ta’minlab berdi.



Amaldagi chempion “Lester” safarda “Uotford”ga qarshi kurash olib borib, Valter Matssari jamoasidan yengildi.



“Tottenhem” va “Vest Hem” klublari o‘rtasidagi London derbisida mezbonlar irodali g‘alabaga erishdi.
Angliya Premyer-Ligasi
12-tur bellashuvi
19-noyabr, shanba
“Manchester Yunayted” — “Arsenal” 1:1
Gol: Xuan Mata, 68 (1:0). Olivye Jiru, 89 (1:1).
“Kristal Pelas” — “Manchester Siti” 1:2
Gollar: Yaya Ture, 39 (0:1). Konnor Uikxem, 66 (1:1). Yaya Ture, 83 (1:2).
“Sanderlend” — “Xall Siti” 3:0
Gollar: Jermeyn Defo, 34 (1:0). Viktor Anichebe, 62 (2:0). Viktor Anichebe, 84 (3:0).
Chetlatish: Papi Jiloboji, 89 (S).
“Sautgempton” — “Liverpul” 0:0
“Stok Siti” — “Bornmut” 0:1
Gol: Natan Ake, 26 (0:1).
Noaniq penalti: Boyan Krkich, 48 (S).
“Uotford” — “Lester” 2:1
Gollar: Etyen Kapu, 1 (1:0). Roberto Pereyra, 12 (2:0). Riyod Mahrez, 15-pen (2:1).
“Everton” — “Suonsi” 1:1
Gollar: Gilfi Sigurdsson, 41-pen (0:1). Sheymus Koulmen, 89 (1:1).
“Tottenhem” — “Vest Hem” 3:2
Gollar: Maykl Antonio, 24 (0:1). Harri Vinks, 51 (1:1). Manuel Lanzini, 68-pen (1:2). Harri Keyn, 89 (2:2). Harri Keyn, 90+1-pen (3:2).
20-noyabr, yakshanba
“Midlsbro” — “Chelsi”
21-noyabr, dushanba
“Vest Bromvich” — “Byornli”
Batafsil | Подробно | Read more... Daryo