OAV: “Inter” “Atletiko”dan bosh murabbiy Diyego Simeone shartnomasini 50 mln yevroga sotib olishga tayyor

Italiyaning “Inter” jamoasi rahbariyati Madridning “Atletiko” klubiga bosh murabbiy Diyego Simeone uchun 50 million yevro taklif qilishga tayyor. Bu haqda, Corriere Dello Sport nashriga tayanib, “TASS” xabar bermoqda .

Foto: Daily Express

Argentinalik mutaxassisning Madrid klubi bilan amaldagi shartnomasi 2018-yilning yoziga qadar mo‘ljallangan. “Inter” rahbariyati esa Simeone 2016/17-yilgi mavsumdan so‘ng jamoani boshqarishni xohlamoqda va “Atletiko”ga shartnomada ko‘rsatilgan tovon puli – 50 million yevroni to‘lashga tayyorligi ta’kidlanmoqda.
Noyabr oyi boshlarida “Inter” gollandiyalik mutaxassis Frank de Burni iste’foga chiqarib, o‘rniga Stefano Piolini bosh murabbiy etib tayinladi .
Ma’lumot uchun, Italiya chempionati 12-turidan keyin “Inter” 17 ochko bilan 9-o‘rinda bormoqda.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo