Niderlandiyada politsiya zo‘ravonligiga qarshi mitingda 166 kishi qo‘lga olindi

Niderlandiya huquq-tartibot organlari Gaagada “politsiya zo‘ravonligi va hukumat jabr-zulmiga qarshi” namoyish o‘tkazgan Fight Repression guruhining  166 nafar antifashistlari va anarxistlarini qo‘lga oldi, deb yozadi “TASS”.

Foto: Flickr

AFP ma’lumotlariga ko‘ra, 200 ga yaqin namoyishchi shahar maydoniga “Antifashistlar va anarxistlarga qarshi repressiyani bas qiling” shiori ostida chiqqan. Shahar hukumati o‘z yuzlarini bekitmasligi sharti bilan miting o‘tkazishga ruxsat bergan edi, ammo aksiyaning ko‘pchilik ishtirokchilari ushbu talabni bajarmagach, huquq-tartibot organlari qoidabuzarlarni qo‘lga olishga qaror qildi.
166 namoyishchidan iborat guruh maydonda qolishni afzal ko‘rdi, u yerda ular xalq namoyishlari haqidagi qonunni buzgani uchun hibsga olindi va so‘roq qilindi. Ularning yonidan bo‘yoqli ballonchalar, pirotexnika va kaltaklar topildi.
Batafsil | Подробно | Read more... Daryo