“Yunayted” “Arsenal”ni mag‘lub eta olmagan o‘yindan keyin Joze Mourinyoga Diyego Armando Maradona qo‘ng‘iroq qildi

Futbol bo‘yicha Angliya Premyer-Ligasi 12-turining markaziy o‘yinida “Yunayted” “Arsenal”ni qabul qilib, so‘nggi daqiqada g‘alabani qo‘ldan chiqargandi. Uchrashuvdan keyin afsonaviy futbolchi Diyego Armando Maradona mezbonlar bosh murabbiyi Joze Mourinyoga qo‘ng‘iroq qildi.

Foto: Instagram / @josemourinho

“Ajoyib o‘yin, biroq qoniqarsiz natijadan keyin menga qirol Diyego qo‘ng‘iroq qildi. Rahmat, do‘stim! Sen tufayli, oilam tufayli, boshqa do‘stlar, futbolchilarim, jamoaning ajoyib muxlislari tufayli men dushanba kuni yeng shimarib ishlashga yana tayyor bo‘laman”, — deb yozdi Mourinyo Instagram sahifasi da.
Qayd etish kerak, portugaliyalik mutaxassis tashrifidan keyin “MYu” markaziy o‘yinlarni o‘z foydasiga hal qila olmayapti. “Liverpul” hamda “Arsenal”ga qarshi o‘yinlar durang bilan yakuniga yetgan bo‘lsa, “Chelsi” hamda “Manchester Siti” “qizil iblislar” ustidan zafar quchishga muvaffaq bo‘lgan”.
Batafsil | Подробно | Read more... Daryo