“Manchester Siti” Lionel Messi uchun 200 mln funt to‘lashga tayyorligi ma’lum qilindi

Angliyaning “Manchester Siti” jamoasi rahbariyati hujumchi Lionel Messini sotib olish uchun “Barselona”ga 200 million funt (qariyb 230 million yevro)ga teng taklif tayyorlamoqda. Bu haqda, Mirror nashriga tayanib, “TASS” xabar bermoqda .

Foto: EPA

Argentinalik futbolchi Xosep Gvardiola boshqarayotgan jamoaga o‘tsa, haftasiga 500 ming funt maosh olishi mumkinligi ta’kidlanmoqda.
Messining kataloniyaliklar bilan amaldagi shartnomasi 2018-yilning yoziga qadar mo‘ljallangan. Kelishuvga ko‘ra, 29 yoshli futbolchining tovon puli miqdori 250 million yevroni tashkil etadi.
Ilgariroq matbuotda argentinalik futbolchi “Barselona” bilan kelishuv muddatini uzaytirmaslikka qaror qilgani haqida xabar  tarqaldi . Goal’ning Messiga yaqin bo‘lgan manbasi bu haqiqat emasligini  bildirdi . Keyinroq Messi Yangi yil bayramidan so‘ng kataloniyaliklar bilan shartnomasini uzaytirish borasida muzokara o‘tkazishi  ma’lum qilingandi .


“Barselona” prezidenti Lionel Messi faoliyatini Kataloniya klubida yakunlashiga ishonch bildirdi


Bir muddat avval Lionel Messi futbolchilik faoliyatini o‘zining birinchi klubi – Argentinaning “Nyuellz Old Boyz” klubida yakunlamoqchi ekani hamda kataloniyaliklar bilan yangi shartnoma imzolansa, u yerga ketish imkonini beruvchi bandning kiritilishini istayotgani haqida  xabar berilgandi .
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo