OAV: Pokistonlik harbiylarning o‘q uzishi oqibatida 1 nafar hindistonlik chegarachi halok bo‘ldi

Pokistonlik harbiylarning munozarali Kashmir viloyatida o‘q uzishi oqibatida kamida 1 nafar hindistonlik chegarachi halok bo‘ldi, yana 4 nafari jarohat oldi. Bu haqda The Times of India nashriga tayanib, “TASS” xabar bermoqda .

Foto: Al Jazeera

Xabarda qayd etilishicha, pokistonlik harbiylar Kashmir viloyatini ajratib turuvchi Rajuri sektoridagi Jammu va Kashmir shtati nazorat chegarasidan turib o‘q uzgan. Hindiston armiyasi javob o‘qini uzdi. Pokiston armiyasidagi yo‘qotishlar haqida ma’lumot keltirilmagan.
Mazkur otishma o‘q uzishni to‘xtatish kelishuvi buzilishining 286-holati bo‘ldi. Nazorat hududi atrofida yuz bergan otishmalar oqibatida 26 nafar hindistonlik, shu jumladan, 14 harbiy hayotdan ko‘z yumdi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo