Janubiy Koreyada prezidentning dugonasi bilan bog‘liq mojaro tufayli sobiq vazir o‘rinbosari qamoqqa olindi

Janubiy Koreya madaniyat, sport va axborot vazirining sobiq o‘rinbosari, 55 yoshli Kim Chon prezident Pak Kin Xe atrofidagi korrupsiyaviy mojaro tufayli Seul sudi ko‘rsatmasiga binoan qamoqqa olindi. Bu haqda prokuratura ma’lum qildi, deya xabar beradi “TASS”.

Foto: AP Photo

“U tamagirlikda, aniqrog‘i, Samsung korporatsiyasini prezident dugonasi Chxve Sun Silning qarindoshi tomonidan nazorat qilinadigan kompaniyaga 1,6 milliard von (1,35 million dollar) ‘xayriya’ qilishga majburlashda ayblanmoqda. Shuningdek, Kim Chon Pxenchxanda 2018-yili o‘tkaziladigan qishki Olimpiadaga tayyorgarlik uchun ajratilgan mablag‘ni o‘zlashtirish, Chxve Sun Silga maxfiy ma’lumotlarni yetkazishda gumon qilinmoqda”, — deyiladi prokuratura xabarida.
Kim Chon 2013-yilda mazkur lavozimni egallagan va shu yil oktabrida prezident hamda uning dugonasi bilan bog‘liq mojaro tafsilotlari oshkor bo‘lgandan so‘ng iste’fo bergandi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo