London mehmonxonasi Apple dizaynerlari tomonidan bezatilgan yangi yil archasini namoyish etdi

Londonning Claridge’s mehmonxonasi bezaklari Apple’ning yetakchi dizaynerlari Joni Ayv va Mark Nyuson tomonidan ishlab chiqilgan yangi yil archasini rasman namoyish etdi, deb yozadi TJournal.

Foto: TJournal

Avvalgi dizaynerlardan farqli ravishda loyiha ustida ish olib borgan Nyuson va Ayv archaning o‘zini bezatmadi: unda yulduzlar ham, yaltiroq sharlar ham, boshqa aksessuarlar ham yo‘q.
Apple xodimlari asosiy e’tiborni mehmonxona lobbisiga qaratdi. U kichikroq archalar, yuqoridan osilib tushgan qarag‘ay shoxlari va qayinzor tasviri tushirilgan yoritib turiluvchi devorlar bilan bezatilgan.

Foto: TJournal

Lobbidagi yoritish tizimi kun davomida quyosh holatiga qarab avtomatik ravishda o‘zgarib turadi. Shuning uchun mehmonxona mehmonlarini uyg‘onganda tong yorishishi, mehmonxonaga qaytish oldidan esa qosh qorayishi qarshi oladi.

Foto: TJournal

2016-yilda Claridge’s o‘z xollini bezatish uchun yettinchi marta mashhur dizaynerlarni taklif qildi. Bundan avval Burberry, Dolce & Gabbana va boshqa brendlar mehmonxona uchun o‘z loyihalarini taqdim etgan.

Burberry dizaynerlari tomonidan bezatilgan archa (2015)


Dolce & Gabbana dizaynerlaridan archa (2014)


Dolce & Gabbana dizaynerlaridan archa (2013)


Britaniyaning McQueens kompaniyasi floristlari tomonidan bezatilgan archa (2012)


Parijning Lanvin brendi dizaynerlaridan archa (2011)


Britaniyalik modelyer Jon Galyano tomonidan taqdim etilgan archa (2010)

Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo