Putin Fiyonni keskin muzokarachi va halol odam deb atadi

Rossiya prezidenti Vladimir Putin Fransiyada o‘ng markazchilar praymerizi birinchi bosqichida g‘olib chiqqan Fransua Fiyonni keskin muzokarachi va halol odam sifatida ta’rifladi, deb yozadi “Interfaks”.

Foto: EPA

“Janob Fiyonga keladigan bo‘lsak, u Fransiya hukumatini boshqargan, men esa hukumat raisi bo‘lgan vaqtimda, biz Fransua bilan birga ishlaganmiz… Bizda shaxsiy, juda qalin aloqalar yuzaga kelgandi”, — dedi Putin jurnalistlarga bergan intervyusida.
“Aytishim kerakki, janob Fiyon, fikrimcha, dunyodagi boshqa siyosatchilardan keskin farq qiladi, chunki u bir qarashda yopiq odam. Ammo uning yevropacha xulqi tufayli, u doim o‘z nuqtai nazarini qat’iy tarzda yoqlay oladi, shu ma’noda u keskin muzokarachi. Biroq shunisi aniqki, u oliy darajada professional va halol odam”, — deya ta’kidladi Putin.
Eslatib o‘tamiz, avvalroq Fransiya sobiq prezidenti Nikolya Sarkozi o‘ng markazchilar praymerizidagi mag‘lubiyatini tan olgan edi . Ovozlar hisob-kitobiga ko‘ra, 10 229 uchastkadan 8 400 tasida Sarkozi 22,1 foiz ovoz to‘pladi, bu esa unga ikkinchi bosqichga o‘tish imkonini bermadi. Uning raqiblari mamlakatning sobiq bosh vaziri (2007—2012) Fransua Fiyon 44,0 foiz, sobiq bosh vazir (1995—1997) Alen Jyuppe esa 28,1 foiz ovoz to‘plagan.
Batafsil | Подробно | Read more... Daryo