Garet Beyl 2013-yildan buyon “Real” tarkibida 15 marta jarohat oldi

Uels terma jamoasi hujumchisi Garet Beyl 2013-yili “Tottenhem” klubidan “Real”ga o‘tganidan so‘ng madridliklar tarkibida 15 marta jarohat oldi. Bu haqda, Ispaniyaning EFE agentligiga tayanib, “Chempionat” xabar bermoqda .

Foto: Bleacher Report

27 yoshli futbolchi “Real”ga o‘tganidan buyon jamoa 192 ta rasmiy o‘yin o‘tkazdi. Beyl mazkur o‘yinlarning 139 tasida, ya’ni, 72,39 foizida ishtirok etdi. U o‘yinda ishtirok etmagan holatlar asosan uning jarohati bilan bog‘liq bo‘lgan.
Garet Beyl so‘nggi jarohatini “Sporting” klubiga qarshi ( 2:1 ) YChL guruh bosqichi 5-turida oldi. Yarim himoyachi o‘ng oyoq to‘pig‘ini shikastlab olgani aniqlandi.
Avvalroq jarohati tufayli Beyl “Barselona”ga qarshi 3-dekabr bo‘lib o‘tadigan prinsipial o‘yinni o‘tkazib yuborishi xabar qilingandi .
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo