Isroilning Xayfa shahrida yong‘in tufayli 60 mingdan ortiq kishi evakuatsiya qilindi

Isroilning Xayfa shahri atrofi yong‘in bilan qoplandi, u bir necha soatdan so‘ng binolar va shaharni o‘rab turgan o‘rmonlarga o‘tib ketdi, deb yozadi TJournal.

Foto: TJournal

Yong‘in natijasida 36 nafar mahalliy fuqaro jabrlandi (ulardan biri og‘ir ahvolda), 60 mingdan ortiq kishi yong‘in bo‘layotgan hududdan evakuatsiya qilindi.
Xayfaning ushbu tumaniga Isroil Mudofaa armiyasi front brigadalarining yong‘inga qarshi kurashish otryadlari va zaxiradagi o‘t o‘chiruvchilar chaqirildi. Milliy xizmatlardan tashqari, yong‘inni o‘chirishda Rossiya, Turkiya, Gretsiya, Britaniya, Xorvatiya va Italiya yong‘in aviatsiyasi qismlari yordam bermoqda.
Isroilning Channel 2 telekanali ma’lumotlariga ko‘ra, yong‘in bir vaqtning o‘zida beshta nuqtada boshlangan. Mamlakat xavfsizlik xizmatlari xabar berishicha, yong‘inni mahalliy arab millatchilari uyushtirgan. Bir nechta gumonlanuvchi hibsga olinib bo‘ldi.
Isroil ta’lim vaziri Naftali Bennet hodisani terror deb atadi va barcha aybdorlar qonun bo‘yicha jazolanishiga va’da berdi. Bunday va’dalar bilan mamlakat prezidenti Reuven Rivlin ham chiqish qildi.
Yana bir yong‘in Quddusga yondosh Modiin tumanida chiqdi. Alanga tuman hududidagi ikkita temiryo‘l stansiyasiga, shuningdek, mashinalarga liq to‘la turargohga va yoqilg‘i quyish shoxobchasiga juda yaqin keldi.
Batafsil | Подробно | Read more... Daryo