Dunyoning eng qudratli armiyalari reytingi e’lon qilindi

Shveysariyaning Credit Suisse moliyaviy guruhi tadqiqot instituti dunyoning qudratli armiyalari reytingini e’lon qildi. Bu haqda “RBK” xabar bermoqda .

Foto: “Vesti.ru”

Yer yuzidagi eng jangovar 20 ta armiya reytingi qo‘shinlardagi harbiylar, tanklar, samolyotlar, vertolyotlar, aviatashuvchilar va suvosti kemalari soni kabi 6 ta ko‘rsatkich bo‘yicha tuzildi. Tahlilchilar qo‘shinlarning faqat oddiy qurol-yarog‘ bilan urush olib borish imkoniyatini baholadi.
Reytingdagi birinchi o‘rinni AQSh egalladi. Ikkinchi o‘ringa Rossiya, uchinchi o‘ringa esa Xitoy loyiq ko‘rildi. Birinchi o‘nlikka, shuningdek, Yaponiya, Hindiston, Fransiya, Janubiy Koreya, Italiya, Buyuk Britaniya va Turkiya kirgan. Undan keyingi o‘rinlarda esa Pokiston, Misr, Tayvan, Isroil, Avstraliya, Tailand, Polsha, Germaniya, Indoneziya va Kanada qayd etilgan.
AQShning 2014-yildagi harbiy soha uchun xarajatlari 610 milliard dollarni tashkil etdi. Bu birinchi o‘nlikdagi qolgan to‘qqiz davlatning xarajatlarini jamlaganda ham ko‘p. Qurol-yarog‘ eksportida ham amerikaliklar peshqadamlik qilmoqda, keyingi o‘rinlarni esa yana Rossiya va Xitoy egallagan.
Batafsil | Подробно | Read more... Daryo