Belaruslik olimlar sun’iy teri yetishtirish uslubini o‘ylab topdi

Belaruslik olimlar bemorning hujayralaridan sun’iy teri o‘stirishni o‘rgandi, deb yozadi “Interfaks” Belarusning “ONT” telekanaliga tayanib.

Foto: “Sputnik.by”

“Teri qoplamasining butunligini tiklash hujayralar yordamida amalga oshiriladi. Umuman olganda, bunday texnologiya yaratib bo‘lingan, bunday hujayralarni biz ajratib chiqaramiz, ular fibroblastlar deb ataladi. So‘ng bu hujayralar odamning asl hujayralari bilan aralashtirilib, terining kuygan yuzasiga qo‘yiladi”, — dedi Belarus fanlar akademiyasi biologiya fanlari bo‘limi akademigi Igor Volotovskiy.
Uning ta’kidlashicha, bu “juda yaxshi samara ko‘rsatmoqda”.
“Odamlarda teri yuzasining 90 foizgacha qismi jarohatlangani kuzatilgan holatlar qayd etilgan — ularni ushbu hujayrali texnologiyalar yordamida qutqarishgan”, — deya qo‘shimcha qildi akademik.
Belaruslik olimlar ishlab chiqqan, bemor hujayralari asosida sun’iy teri yaratish uslubi hozirda davlat ekspertizasidan o‘tkazilmoqda. Yangi texnologiyani Belarusda ikki yil ichida joriy qilish ko‘zda tutilgan.
Batafsil | Подробно | Read more... Daryo