Britaniyalik erkak vazn tashlagani uchun million dollar yutib oldi

Britaniyalik poker ustasi va millioner Tom Xoll do‘stlari bilan bas boylashib, 1 million dollar yutib oldi. Buning uchun u 12 kilogrammga ozishi va bir xaridda 100 dollardan ko‘p pul ishlatmasligi talab etilardi, deb xabar beradi “Korrespondent.net”.

Tom Xoll. Foto: “Korrespondent.net”

Ta’kidlanishicha, Xoll qisqa vaqtda barcha shartlarni bajarib, Facebook orqali g‘alabasini e’lon qildi. Uning vazni bir yarim oyda 115 kilogrammdan 103 kilogrammga tushdi. Shu tariqa, Xoll juda qisqa muddatda 950 ming dollar sof foyda ko‘rdi.

Tom Xoll. Foto: “Korrespondent.net”

Millioner bo‘lishiga qaramay, Xoll pokerda u qadar katta yutuqlarga erishmagan. Jumladan, 2008-yildan buyon u barcha jonli turnirlarda 222 ming dollar ishladi, uning eng katta yutug‘i esa 2013-yili Melburnda o‘tgan WSOP Avstraliya bosqichida egallagan oltinchi o‘rin uchun qo‘lga kiritgan 120 ming dollar puli bo‘ldi.
Batafsil | Подробно | Read more... Daryo