Pokistondagi “qabilalar hududi”da 18 nafar jangari yo‘q qilindi

Pokiston harbiy-havo kuchlari qiruvchi samolyotlari 1-oktabr kuni tongda mamlakat shimoli-g‘arbidagi Shimoliy Vaziristondagi “qabilalar hududi”da joylashgan jangarilarning marralariga raketa-bomba zarbalarini berdi. Bu haqda “TASS” xabar bermoqda .

Foto: Photo News

Mahalliy matbuot xabarlariga ko‘ra, operatsiya oqibatida kamida 18 nafar terrorchi halok bo‘lgan, yana bir necha nafari yarador etilgan. Ma’lum qilishlaricha, havo zarbalari natijasida jangarilarning Dattakxel tumanidagi beshta qarorgohi yo‘q qilingan.
Ma’lumot uchun, Pokiston armiyasi 2014-yil iyunidan beri Shimoliy Vaziristonda “Tahriq-i-Tolibon Pokiston”, shuningdek, “qabilalar hududi”da yashirinib, “Tolibon”ning Pokistondagi vakillari bilan birgalikda harakat qiluvchi “Sharqiy Turkiston islom harakati” va “O‘zbekiston islom harakati” terrorchilik tashkilotlari jangarilariga qarshi shartli nomi “Zarb-i-Azb” bo‘lgan harbiy operatsiya o‘tkazmoqda.
Batafsil | Подробно | Read more... Daryo