Konfederatsiyalar Kubogi–2017 turniriga qur’a tashlash marosimi bo‘lib o‘tdi

Rossiyaning Qozon shahrida 26-noyabr, juma kuni futbol bo‘yicha 2018-yilgi jahon chempionatidan bir yil avval o‘tkaziladigan Konfederatsiyalar Kubogi—2017 turniriga qur’a tashlash marosimi bo‘lib o‘tdi.

Foto: “TASS”

Turnirda Rossiya termasi mezbon sifatida, Germaniya esa amaldagi jahon chempioni sifatida ishtirok etadi. Shuningdek, o‘z qit’asining chempionlari sifatida Chili, Meksika, Portugaliya, Avstraliya, Yangi Zelandiya tashrif buyuradi. Afrika Millatlar Kubogining fevral oyida aniqlanadigan g‘olibi ular qatoriga qo‘shiladi.
“Sports.ru”ning ma’lum qilishicha , qur’a natijasiga ko‘ra quyidagi juftliklar hosil bo‘ldi:
“A” guruhi: Rossiya, Yangi Zelandiya, Portugaliya, Meksika;
“B” guruhi: Afrika chempioni, Chili, Avstraliya, Germaniya.
Ma’lumot uchun, Konfederatsiyalar Kubogi—2017 turnirining mukofot jamg‘armasi 20 million dollarni tashkil qiladi .


Rossiya Konfederatsiyalar Kubogi—2017 uchun chiptalar savdosini boshladi


“Krasava” nomini olgan Konfederatsiyalar Kubogi—2017 ning rasmiy to‘pi namoyish etildi


Eslatib o‘tamiz, Konfederatsiyalar Kubogi 2017-yilning 17-iyunidan 2-iyuliga qadar Moskva, Sankt-Peterburg, Sochi va Qozon shaharlarida o‘tkaziladi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo