Yoshlar o‘rtasidagi JChning finaliga chiqqan yagona o‘zbekistonlik bokschi kumush medal bilan ortga qaytadigan bo‘ldi

Rossiyaning Sankt-Peterburg shahri mezbonlik qilgan boks bo‘yicha 17–18 yoshlilar o‘rtasidagi jahon chempionatida 26-noyabr, shanba kuni final bellashuvlari bo‘lib o‘tdi, deb xabar bermoqda “Sports.uz”.

Bilol Mirzarahomov (chapdan birinchi). Foto: “Sports.uz”

Dunyoning 75 davlatidan 400 nafardan ortiq yosh charm qo‘lqop ustalari g‘oliblik uchun kurash olib borgan musobaqada O‘zbekiston terma jamoasi a’zolari jami 4 ta medal bilan ortga qaytadigan bo‘ldi.
Avvalroq Otabek Xolmatov (-52 kg), Shunqor Abdurasulov (-56 kg) va Shohruz Rahimov (-91 kg) bronza medallarini qo‘lga kiritgani haqida xabar berilgandi .
-60 kilogramm vazn toifasida O‘zbekiston sharafini himoya qilgan Bilolbek Mirzarahimov finalgacha yetib bordi. Hal qiluvchi bahsda amerikalik Delante Jonsonga qarshi ringga ko‘tarilgan o‘zbekistonlik bokschiga biroz omad yetishmadi va u musobaqaning kumush medali bilan taqdirlandi.

Foto: “Sports.uz”

Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo