Hindistonning muxolifatdagi partiyalari pul islohotiga qarshi norozilik aksiyalari o‘tkazadi

Hindistonning muxolifatdagi partiyalari 28-noyabr, dushanba kuni butun mamlakat bo‘ylab hukumat tomonidan boshlangan pul islohotiga qarshi norozilik aksiyalari o‘tkazishni rejalashtirgan. Bu haqda “TASS” xabar bermoqda.  

Foto: Reuters

NDTV telekanaliga ko‘ra, yetakchi muxolifat partiyasi — Hindiston milliy kongressi, shuningdek, Oddiy inson partiyasi, Butunhindiston trinamul kongressi va boshqa harakatlarning tarafdorlari ko‘chalarga chiqadi. Ularning soni 1 million kishidan oshishi mumkin. Muxolifat esa bu ko‘rsatkich bir necha million kishini tashkil etishini taxmin qilmoqda. 
Mamlakatning bir qator mintaqalarida namoyishchilar ish tashlash o‘tkazish niyatida. Jumladan, kasaba uyushmalari Kerala, G‘arbiy Bengaliya va Tripura shtatlarida ish tashlash e’lon qilishni mo‘ljallamoqda. 
Hindiston bosh vaziri Narendra Modi 8-noyabr kuni 500 va 1000 rupiya nominalli banknotalar iste’moldan chiqarilishini e’lon qilgandi . Hukumat shu yo‘l bilan noqonuniy topilgan pullarga qarshi kurashmoqchi.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo