Shavkat Mirziyoyev Fidel Kastroning vafoti munosabati bilan hamdardlik bildirdi

O‘zbekiston Respublikasi Prezidenti vazifasini bajaruvchi Shavkat Mirziyoyev Kuba Respublikasi Davlat Kengashi va Vazirlar Kengashi raisi Raul Modesto Kastro Rusga mamlakatni bir necha o‘n yil davomida boshqargan atoqli siyosat va davlat arbobi Fidel Alexandro Kastro Rusning vafoti munosabati bilan Kuba rahbariyati va butun xalqiga samimiy dalda va ta’ziya izhor etilgan maktub yo‘lladi. Bu haqda O‘zbekiston TIV matbuot xizmati xabar bermoqda .

Foto: “RIA Novosti”

“Kuba yo‘lboshchisi o‘z Vatanining haqiqiy va sodiq vatanparvari sifatida, bugungi Kubaning asoschi-otasi sifatida tan olingan, Kuba davlatchiligiga mustahkam poydevor o‘rnatgan, mamlakat mustaqilligi va suvernitetini himoya qilishda mardlik va qat’iylikni namoyon qilgan”, — deyiladi maktubda.
Fidel Kastro har doim O‘zbekiston va Kuba o‘rtasidagi do‘stona munosabatlarni mustahkamlash, hamkorlik va o‘zaro hurmat tarafdori bo‘lgan, deydi Shavkat Mirziyoyev.
“Biz erksevar Kuba xalqining dard va qayg‘usiga sherikmiz”, – deb yozilgan Shavkat Mirziyoyevning maktubida.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo