Gimnastika bo‘yicha uch karra Olimpiada ishtirokchisi Avstraliyadagi sirk shousida 5 metrlik balandlikdan quladi

Cirque Du Soleil sirki gimnastikachisi, uch karra yozgi Olimpiya o‘yinlari ishtirokchisi avstraliyalik Liza Skinner shou vaqtida 5 metrlik balandlikdan quladi, deb xabar bermoqda “Korrespondent.net”.

Foto: “Korrespondent.net”

Xabarda qayd etilishicha, 35 yoshli ayol Kooza nomli akrobatik mashqni bajarayotganida noxush hodisa ro‘y berdi.
“U akrobatik mashqni bajarishi kerak edi, ammo to‘satdan yerga quladi”, – dedi voqea guvohlaridan biri.
Sirk shousi Avstraliyaning Brisben shahrida bo‘lib o‘tayotgan edi. Voqea joyiga tez tibbiy yordam xodimlari yetib kelganida avstraliyalik gimnastikachi hushini yo‘qotmagan edi.
Skinner shifoxonaga yotqizildi. Shifokorlar 35 yoshli ayol belini shikastlab olgan deb, xavotir olmoqda.
Liza Skinner Atlanta–1996, Sidney–2000 va Afina–2004 Olimpiya o‘yinlari ishtirokchisi sanaladi. 2006-yildan buyon u Cirque Du Soleil sirkida faoliyat yuritib kelmoqda.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo