Jeb Bush Trampga ulg‘ayishni maslahat berdi

AQSh prezidenti lavozimiga da’vogar Jeb Bush saylovoldi tadbirida Donald Trampni tanqid qildi. Bush so‘zlariga ko‘ra, uning partiya ichidagi raqibi o‘ta xudbin bo‘lib, oxir-oqibat u uchun “ulg‘ayish vaqti kelgani”ni aytdi. Bu haqda CNN xabar berdi .

Foto: AFP

“Agar men o‘zimni Trampdek tutsam, onam qulog‘imni uzib oladi”, — dedi u saylovchilar bilan uchrashuvda. Siyosatchining so‘zlariga ko‘ra, u “sahnada faqat o‘zi haqida: men, men, men, menga, menga, menga, — deydigan yigit emas”. “Men odamlarga o‘zlari istagan hayotga ega bo‘lish uchun imkoniyat taqdim etib, kuch-quvvatga to‘laman. Bizga aynan shunday boshqaruv turi — xizmat qilishga asoslangan boshqaruv kerak”, — dedi Bush.
O‘z navbatida, o‘sha kuni saylovchilar bilan uchrashgan Tramp Bushni masxara qildi. “U shu yaqin atrofda uchrashuv o‘tkazyapti, 150 kishi bilan”, — dedi u va o‘zining tadbiriga 3564 kishi kelganini qo‘shib qo‘ydi.
Batafsil | Подробно | Read more... Daryo