Pentagon MRB sobiq rahbari tomonidan maxfiy ma’lumotlar chiqarib yuborilishiga oid ish yuzasidan tekshiruv o‘tkazmoqda

AQSh mudofaa vazirligi Markaziy razvedka boshqarmasi (MRB) sobiq rahbari Devid Petreus tomonidan maxfiy ma’lumotlar chiqarib yuborilishiga oid ish yuzasidan tekshiruv o‘tkazmoqda. Bu haqda “RBK” xabar berdi .

Petreus va Broduell. Foto: AP

Associated Press agentligi manbalariga ko‘ra, tekshiruv Petreusning jazmani, New York Times jurnalisti Pola Broduellga tegishli elektron pochta buzilganidan so‘ng chiqib ketgan maxfiy ma’lumotlarni qamrab oladi. 2011—2012-yillarda MRB sobiq rahbari o‘zining biografiyasi ustida Broduell bilan hamkorlikda ishlayotganida unga maxfiy ma’lumotlar bilan tanishish imkonini bergan. General mazkur ma’lumotlarni tegishli ruxsatsiz saqlaganini tan olgan.
Hozirda tergovchilar jurnalist ayolga tegishli ma’lumotlarni kim tarqatganligini aniqlashga urinmoqda. Ushbu tekshiruvning qaytadan tiklangani Petreus Donald Tramp ma’muriyatidan joy olishi imkoniyatini cho‘zib yuborishi mumkinligi bildirilmoqda.
Diqqat, diqqat! “Daryo”ning Telegram’dagi rasmiy kanali — “ Toshqin ‘Daryo’ ”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Batafsil | Подробно | Read more... Daryo