Braziliya futbol klubining 9 nafar a’zosi Kolumbiya safaridan chetda qolib, halok bo‘lgan 27 jamoadoshi qatoriga kirmagan

Kolumbiyada halokatga uchragan samolyot bortida Braziliya A seriyasining “Shapekoense” klubi a’zolari bo‘lgani, ular jami 27 nafar ekani aytilgandi. “TASS” Braziliyaning SportTV telekanaliga tayanib, “Shapekoense” klubining 9 nafar a’zosi Kolumbiya safaridan tushib qolganini ma’lum qildi .

Foto: Sports.ru

Bunda 9 futbolchining nima sababdan Kolumbiya safaridan qolib ketgani ko‘rsatilmagan, ammo ular nomma-nom sanalgan: Rafael Lima, Nenen, Demerson, Marselo Buk, Andrei, Ioran, Martinuchcho, Moyzes va Nivaldo.
Ma’lumot uchun, “Shapekoense” klubi Kopa Sudamerikano musobaqasining finalida to‘p surish uchun uchib ketayotganida Medelin shahrida halokatga uchragan . Avvalroq 72 nafar yo‘lovchi va 9 nafar ekipaj a’zosi bo‘lgan samolyot halokatidan 5 nafar inson omon qolgani aytilgandi . “TASS” xabarida omon qolganlar soni 10 nafar ekani ko‘rsatilgan.

Top News