“Bavariya” va “Atletiko”ga gol urgan eronlik Sardor Azmun uni Messiga qiyoslashlarini yoqtirmasligi haqida aytdi

Rossiyaning “Rostov” klubi sharafini himoya qilayotgan eronlik futbolchi Sardor Azmun o‘zini Lionel Messiga qiyoslaydiganlarni tushunmasligi haqida aytdi. Bu haqda “Championat.asia” “R-Sport” nashriga asoslanib xabar berdi .

Foto: “Chempionat”

“Meni eronlik Messi deb chaqirishlarini yoqtirmayman. O‘yin uslubimiz umuman o‘xshash emas, shuning uchun ham Messiga qiyoslaganlarni tushunmayman”, — deb aytib o‘tgan Azmun.

Foto: Press TV

“O‘zimni kim bilan solishtiraman? Zlatan Ibrahimovich bilan! To‘g‘ri, hozir u kabi o‘ynamayman. Ammo shuni istayman. U jentelmen ekaniga ishonaman. Eronda Ali Daini, undan tashqarida esa Zlatanni afzal bilaman”.

Foto: Soccer.ru

Ma’lumot uchun, Sardor Azmun bilan “Liverpul” futbol klubi qiziqayotgani haqida xabarlar paydo bo‘lgandi. Chempionlar Ligasining joriy mavsumida u “Atletiko” va “Bavariya” klublari darvozasini ishg‘ol qilishga muvaffaq bo‘ldi.
Batafsil | Подробно | Read more... Daryo