Maqsadimiz — xalqimizning turmush darajasini yanada oshirish

Ahad Ahmedov, Oliy Majlis Qonunchilik palatasi deputati, Sanoat, qurilish va savdo masalalari qo‘mitasi a’zosi:
“O‘zbekiston Respublikasi Prezidenti saylovida O‘zXDPdan ilgari surilgan nomzod Xatamjon Ketmonovning saylovoldi dasturi, darhaqiqat, qator ijtimoiy masalalarni o‘z ichiga olgani bilan ahamiyatlidir. Ayni jihat ko‘pchilik saylovchilar qiziqishi va e’tiborini qozonyapti. Buni partiyaning Oliy Majlis Qonunchilik palatasidagi fraksiyasi a’zolariga bo‘layotgan murojaat va savollar ham ko‘rsatib turibdi.

Foto: Markaziy saylov komissiyasi

Jumladan, aholiga kommunal xizmatlar ko‘rsatish tariflarining davlat tomonidan tartibga solinishini takomillashtirish orqali kommunal xizmatlar narxlarini maqbullashtirish masalasi bo‘yicha ko‘plab savollar, murojaatlar kelmoqda. Demak, ushbu masala o‘z vaqtida ko‘tarilgan va uning yechimi yurtdoshlarimiz uchun muhim ahamiyatga egadir”.
Sattor Rahmatov, Oliy Majlis Qonunchilik palatasi deputati, Mehnat va ijtimoiy masalalar qo‘mitasi:
“Eng avvalo shuni aytishim kerakki, Xatamjon Ketmonovning saylovoldi uchrashuvlari samimiy ruhda, fikr-mulohazalarga boy tarzda o‘tmoqda. Bunga o‘zim guvoh bo‘ldim.
Nomzod dasturidagi kichik biznes, uy mehnati, kasanachilik va oilaviy tadbirkorlikni yanada rivojlantirish orqali xotin-qizlar bandligini ta’minlash samaradorligini oshirish taklifi saylovchilar tomonidan faol qo‘llab-quvvatlanyapti.
Saylovchilar bilan bo‘ladigan uchrashuvlar, davra suhbatlarida o‘zimizga ham ayni masalada ko‘plab murojaatlar bo‘ladi. Uy mehnati va uning huquqiy asoslarini takomillashtirish aholi bandligini samarali ta’minlash imkonini beradi. Bu — hayotiy haqiqat.
Demak, ushbu masala oldimizda turgan muhim vazifalardan biri hisoblanadi hamda Xatamjon Ketmonovning saylovoldi dasturi hayotiy masalalarni o‘zida aks ettirganidan dalolat beradi”.
O‘zbekiston Respublikasi Prezidentligiga O‘zbekiston XDPdan nomzod — Xatamjon Ketmonovga ovoz bering!
Reklama huquqi asosida.
Batafsil | Подробно | Read more... Daryo