Европада жаҳондаги энг узун туннель қурилиши якунига етди

Швейцарияда жаҳондаги энг узун ва чуқур темир йўл туннелини техник таъминлаш ишларини якунланди. Бу ҳақда The Daily Mail хабар бермоқда .

Фото: Reuters

Готард туннелининг узунлиги 57 километрга тенг бўлиб, темир йўлнинг баъзи қисмлари 2,3 километрлик тоғ жинслари остидан ўтган. Аввалги рекорд соҳиби — Япониянинг ерости Сэйкан туннели Готарддан 3 километрга қисқа.
«Ишга тушганидан сўнг, у Швейцария темир йўлларининг энг хавфсиз бўлагига айланади», — деди AlpTransit Gotthard AG вакиллари. Октябрь ойида бошланадиган синов доирасида ёритиш, алоқа ва вентиляция тизимлари текширилади.
Туннель умумий фойдаланишга топширилишидан аввал ундан камида 3 минг марта поезд ўтади. Туннель бўйлаб илк йўловчи ташиш ишлари 2016 йил июнида бошланиши кутилмоқда, декабрдан эса мунтазам қатновлар амалга оширилади.
Янги транспорт йўлаги йўловчиларга Цюрихдан Миланга соатига 200 километр тезликда 2 соату 50 дақиқада етиб олиш имконини беради, бу одатдагидан бир соатга кам. Мазкур йўлдан кунига ўтадиган юк поездлари сони 180 тадан 260 тагача кўпаяди.
Туннелни қуриш ишлари 1996 йили бошланган эди, орадан 14 йил ўтиб туннелни қазиш ишлари, яна тўрт йилдан сўнг эса рельс ётқизиш ишлари якунига етди. Қурилишда 2 мингдан ортиқ одам қатнашди, ҳар куни 30 метр туннель қазилди. Қурилиш ишлари давомида 8 киши ҳалок бўлган.
Batafsil | Подробно | Read more... Daryo